Lynx

- Hei, eg heiter Lynx, og eg er ei gaupe. Eg likar å lese om kjærleik, vennskap og kvardagsdrama. Eg likar også teikneseriar og bøker med fine bilete.

Hjemme hos Lynx

Eg heiter Lynx og er ei gaupe.

Vi gauper er ein del av kattefamilien. Vi bur både i Europa, i Asia og i Nord-Amerika. Dei fleste av oss har lysebrun pels med mørke flekker. Somme synest kanskje at eg ser ut som ein katt, men då har dei ikkje lagt merke til dei tøffe, svarte duskane eg har på øyra. Slike duskar er det ingen kattar som har.

Dessutan er vi gauper større enn kattar. Vi kan bli 70–120 cm lange og veg rundt 20 kilo. Nokre vaksne hanngauper veg meir.

Eg blei fødd i mai eller juni. Det er då små gaupeungar pleier å bli fødde. Vanlegvis blir vi fødde som tvillingar eller trillingar, men nokre gaupemammaer får så mange som sju ungar på ein gong.

Livretten min er rådyr, hare eller reinsdyr. Men eg er ikkje kresen. Får eg tak i ein rev, ein sau, ei geit eller ein saftig skogsfugl, seier eg ikkje nei takk til det heller.